789.bet

គ្រូពេទ្យស្ម័គ្រចិត្តឯកឧត្តម ហ៊ុន ម៉ានី និងប្រជាពលរដ្ឋនៅខេត្តកំពង់ចាម គាំទ្រពេញ​ទំហឹងគម្រោងព្រែកជីកហ្វូណនតេជោ

គ្រូពេទ្យស្ម័គ្រចិត្តឯកឧត្តម ហ៊ុន ម៉ានី និងប្រជាពលរដ្ឋនៅខេត្តកំពង់ចាម គាំទ្រយ៉ាង​ពេញ​ទំហឹង​គម្រោង​ព្រែក​ជីកហ្វូណនតេជោ និងត្រៀមខ្លួនរួចជាស្រេច ដើម្បីចូលរួមអបអរសាទរនៅថ្ងៃ​បើក​ការដ្ឋាន​សាង​សង់​គម្រោងប្រវត្តិសាស្ត្រព្រែកជីកហ្វូណនតេជោ ដែលនឹងប្រព្រឹត្តទៅនាថ្ងៃទី៥ ខែសីហា ឆ្នាំ២០២៤ខាងមុខនេះ ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។ការបង្ហាញនូវការគាំទ្រ និងត្រៀមចូលរួមអបអរសាទររបស់ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី និងបងប្អូនប្រជាពលរដ្ឋក្នុងខេត្តកំពង់ចាម ចំពោះគម្រោងព្រែកជីកហ្វូណនតេជោ ប្រារព្ធ​ឡើង​ក្នុងឱកាសដែលលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធាន​ក្រុម​ការងារ​ចុះ​មូលដ្ឋានស្រុកព្រៃឈរ តំណាងដ៏ខ្ពង់ខ្ពស់ឯកឧត្តមឧបនាយករដ្ឋមន្ត្រី ហ៊ុន ម៉ានី ប្រធាន​កិត្តិយសក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី អមដំណើរដោយ ឯកឧត្តម អ៊ុន ចាន់ដា អភិបាលខេត្តកំពង់ចាម និងឯកឧត្តម លេង ផាលី ប្រធាន​ប្រតិបត្តិ​ក្រុម​ការងារ​គ្រូពេទ្យ​ស្ម័គ្រចិត្ត ឯកឧត្តម ហ៊ុន ម៉ានី ដោយមានការចូលរួមពីក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចំនួន៩០៧នាក់ ស្រី៤៣៥នាក់ បានចុះអប់រំសុខភាព បណ្តុះបណ្តាល​វគ្គ​សង្រ្គោះ​ប​ឋម ព្រមទាំងពិនិត្យ ព្យាបាលជំងឺ ចែកឱសថ ទឹកសុទ្ធ នំប៉័ង ជូនប្រជាពលរដ្ឋ ផ្តល់​សេវា​ដោយ​ឥតគិតថ្លៃ ឥតគិតថវិកាបេសកកម្ម បានចំនួន១៣,០២៣នាក់ ស្រីចំនួន​៨,៩២៨​នាក់ និងមានរទេះជនពិការ ចំនួន៨គ្រឿង ជូនដល់ជនពិការ កាលពីថ្ងៃទី២១ ខែកក្កដា ឆ្នាំ​២០២៤ នៅវិទ្យាល័យ ហ៊ុន សែន ព្រៃទទឹង ឃុំជ្រៃវៀន ស្រុកព្រៃឈរ ខេត្តកំពង់ចាម ដើម្បី​ចូល​រួម​ជាមួយ​រាជរដ្ឋាភិបាលក្នុងការលើកកម្ពស់សុខុមាលភាពប្រជាជន​ដែលនាំឲ្យ​មាន​កំណើន​សេដ្ឋកិច្ច និងការកាត់បន្ថយភាពក្រីក្ររបស់ប្រជាពលរដ្ឋកម្ពុជា ស្របទៅតាម​គោលដៅ​អ​ភិវឌ្ឍន៍​ប្រកប​ដោយ​ចីរភាពរបស់រាជរដ្ឋាភិបាលនៃព្រះរាជាណាចក្រកម្ពុជា។នាឱកាសនោះលោកជំទាវ ចម និម្មល ឯកឧត្តម អ៊ុន ចាន់ដា និងឯកឧត្តម លេង ផាលី ព្រម​ទាំង​បង​ប្អូន​ប្រជាពលរដ្ឋទាំងអស់ បានសម្តែងនូវការអបអរសាទរ និងគាំទ្រដល់រាជរដ្ឋាភិបាល ក្នុង​ការ​សម្រេច​បើកការដ្ឋានសាងសង់ព្រែកជីក «ហ្វូណន តេជោ» ដែលមានសារៈសំខាន់ នឹងផ្តល់​ផល​ប្រយោជន៍​ដ៏​មហាសាលដល់សង្គម-សេដ្ឋកិច្ចកម្ពុជា។ គម្រោងព្រែកជីកហ្វូណនតេជោ នឹងជួយ​ឱ្យ​កម្ពុជា​ពង្រឹងនូវឯករាជ្យភាពខាងនយោបាយដឹកជញ្ជូនតាមផ្លូវទឹក ហើយនឹងមិន​បង្ក​ផល​ប៉ះ​ពាល់​ដល់​បរិស្ថាន ប្រព័ន្ធអេកូឡូស៊ី និងរំហូរទឹកទន្លេមេគង្គឡើយ។ គម្រោងនេះ​នឹង​ផ្តល់​ផល​ប្រយោជន៍​ដល់​ពលរដ្ឋខ្មែររាប់ជំនាន់ទៅមុខ។សូមបញ្ជាក់ផងដែរថា នៅថ្ងៃទី៥ ខែសីហា ឆ្នាំ២០២៤ខាងមុខនេះ ជាថ្ងៃបើក​ការដ្ឋាន​សាង​សង់​ព្រែកជីកហ្វូណនតេជោ បងប្អូនប្រជាពលរដ្ឋក្នុងខេត្តកំពង់ចាម ត្រៀមវាយគង ជួង រគាំង ទូងស្គរ ទះប៉ោត និងគោះត្រដោក តាមគ្រប់មធ្យោបាយដែលខ្លួនមាន នៅគ្រប់ទីកន្លែង សាធារណៈ​សំខាន់​ៗ គ្រប់ទីវត្តអារាម សាលារៀនឱ្យបានក្លៀវក្លា និងអធិកអធមជាទីមោទនៈ៕ អត្ថបទ រដ្ឋា